“Siyasi göstəbəklər”-in “Opinion Way”-la problemləri var?
Azərbaycan siyasi
palitrasında hakimiyyətə iddialı olan və
dağıdıcı
subyekt qismində çıxış edən radikal kəsim bu gün ciddi ətalət
içərisindədir. Buna səbəb isə son aylarda hakimiyyət tərəfindən sosial,
iqtisad, hüquqi və digər sahələrdə davamlı islahatların aparılması və bu mənafe
qruplarının “arqumentsiz” qalmalarıdır. Ölkədə həyata keçirilən
çoxşaxəli islahatlar kursu barədə nüfüzlu reytinq agentliklərindən biri hesab
olunan Fransanın “Opinion Way” şirkətinin müsbət qiymətləndirilməsi isə radikal
düşərgədə böyük şok effekti yaradıb.
Böyük
“sosial baza” ilə çoxminli mitinq arzularını realizə edə bilməyən Əli Kərimli və Arif Hacılı bu gün sükünətdən
çıxa bilmirlər. Səbəbsə çox sadədir. Xarici təşkilatların Azərbaycanla baglı
hər hansı qərəzli qərarlarını sosial şəbəkələr üzərindən tirajlayan və bundan
manipulyasiyalar edən antimilli partiya sədrlərindən hazırda səs çıxmır. Çünki
sorgunu həyata keçirən nüfüzlü təşkilatdır və bütün ölkələrdə apardıgı rəy
sorguları birmənalı qəbul edilir.
“Opinion Way”
şirkəti tərəfindən rəy sorgusunun nəticələrinin elan edilməsindən sonra radikal
müxalifətin “hərşeyşünas” “xaç atası” Əli Kərimli
facebook səhifəsində bir kəlmə də olsun münasibət bildirmədi. İndiyədək
apardıgı təxribat xarakterli
kampaniyasında ayrı-ayrı reytinq agentiklərinə “istinad” etsə də bu
təşkilatın qiymətləndirməsinə söz tapa bilməyib. Arif Hacılı da ənənəvi olaraq
partiya məsələlərinə başının qarışdıgını bəhanə gətirərək bu mövzuda jurnalistlərin
suallarından yayınıb. Hər iki iddialı
partiya sədrinin belə bir münasibət
sərgiləməsi tam aydın sübut edir ki,
Azərbaycanın milli maraqları, dövlətçilik, vətəndaş mövqeyinin ifadə
olundugu bir zamanda düşərgədə “qurbaga
gölünə daş atılır”.
Antiazərbaycançı, qərəzli xarici
dairələrin təsiri altında olan Orduxan Teymurxan, Mirzə Sakir,
Tural Sadıqlı və onların təbligat ruporları olan Qənimət Zahid, Sevinc
Osmanqızı bu dəfə də spekulyativ
metodlarına əl atdılar. Onların bu günlərdə
Avropa Şurasında aparılan müzakirələrə diqqəti yönəldərək qərəz
axtarışına çıxmaları da bu mənafe qruplarının əsl mahiyyətini göstərdi. Funksionallığını çoxdan itirmiş bu
siyasi alətlərin növbəti siyasi göstəbəklik nümayiş etdirmələri təsdiq etdi ki,
Azərbaycanın mənafeyi, vətəndaşların iradəsi onları qətiyyən maraqlandırmır.
Arif
Hacılı və Əli Kərimlinin də sükünət vəziyyətində olmalarının məqsədi də anlaşılır.
Belə ki, yenə də sifariş gözləyirlər.
Комментарии
Отправить комментарий