Azərbaycan regionun güc mərkəzi statusunda
Prezident İlham
Əliyev III Dövlət proqramının yekunlarına həsr olunmuş konfransda bir çox
sahələrlə yanaşı Azərbaycanın xarici siyasət strategiyası ilə baglı da mühüm məqamlara
toxundu. Xüsusən qlobal məkanda yaşanan siyasi və iqtisadi, eləcə də hərbi
kataklizmlərin fonunda aparılan müstəqil xarici siyasətin ölkəmizə qazandırdıgı
dividentləri detallı şəkildə diqqətə çatdırdı.
Dövlət başçısı Azərbaycanın
dünyada sabitlik, təhlükəsizlik məkanı oldugunu bir daha bəyan edib: “Yaxın
tarix əyani şəkildə göstərdi ki, sabitlik pozulanda ölkələr çox pis vəziyyətə,
idarəolunmaz vəziyyətə düşür, iqtisadiyyat çökür, sənaye iflic olur, insanlar
əziyyət çəkir və sonra bu vəziyyətdən çıxmaq üçün onilliklər lazım olur.
Azərbaycanın uğurlu inkişaf modelinin əsas qayəsi ondadır ki, ölkəmizdə
aparılan siyasət xalq tərəfindən dəstəklənir. Çünki bu siyasət xalqımızın rifah
halının yaxşılaşmasına hesablanıb. Bu siyasət ölkəmizin güclü dövlətə çevrilməsinə
hesablanıb. Məhz bu siyasət nəticəsində bu gün Azərbaycan dünyanın müxtəlif
kürsülərindən öz sözünü açıq deyir, öz müstəqil siyasətini aparır, öz
maraqlarını tam şəkildə qoruyur”.
Hazırda dünyanın əksər regionlarında
sosial, iqtisadi və siyasi gərginliklər özünü göstərir. İraq və Suriyada
terrorun şaxələnməsi və yeni irticaçı cərəyanların yaranması bu cografi arealda
xalqı daha acınacaqlı vəziyyətə salıb. Yaxın Şərq və Afrika ölkələrindən milyonlarla
qaçqın kütləsinin daha yaxşı yaşayış məqsədilə Avropaya üz tutmaları və böyük
məhrumiyyətələrə düçar olmaları günümüzün acı reallıgıdır. Avropa ölkələrində - Böyük Britaniya, Fransa,
Almaniya, Belçika və digər ölkələrdə sosial narazılıqların artması, “sarı
jiletli”lər hərəkatının geniş vüsət alması bu qitədə də gərginliyin artdıgını
deməyə əsas verir. Bu gün Avropa ölkələrində narazı kütləyə qarşı polisin ən amansız
metodlarla zorakılıqlar etməsi bu regionda fundamental insan haqlarının kobud
şəkildə pozuldugunu aydın göstərir.
Dünyanın əksər regionlarında
baş verən gərginliklər fonunda Azərbaycan müstəqil xarici siyasət yürüdərək Cənubi
Qafqazın sabitlik məkanı kimi tanınmaqdadır. Ölkəmizin diplomatiyada ardıcıl,
qətiyyətli, prinsipial, öhdəliklərinə sadiq tərəfdaş imicini qazanması onun
müxtəlif güc mərkəzləri ilə münasibətlərinin xarakterində hansısa şübhə və
tərəddüdlərə yer qoymur. Rəsmi Bakı Azərbaycanın geosiyasi rəqabət meydanına
çevrilməsinə, hansısa dövlətə hərbü güc tətbiqində platsdarm ərazi kimi
istifadə edilməsinə heç zaman yol verməyəcəyini qətiyyətlə bəyan etmiş, bunu
əməli fəaliyyəti ilə sübuta yetirmişdir.
Prezident İlham
Əliyevin Azərbaycanda sabitliyin möhkəmləndiyini bildirib: “Azərbaycanda
aparılan iqtisadi, siyasi islahatlar, ölkəmizin güclənməsi bizə dünyada gedən
riskli proseslərdən özümüzü qorumağa imkan yaratdı. Bir daha demək istəyirəm, bizim xarici siyasətimizin əsas
məqsədi ondan ibarətdir ki, xaricdən gələn mümkün risklərin idarə olunmasına,
azaldılmasına, aradan qaldırılmasına imkan versin. Biz buna nail oluruq. Son 15
il ərzində Azərbaycan xalqı əmin-amanlıq şəraitində yaşayır. Azərbaycan xalqı
rahat yaşayır, qurur, yaradır. Hesab edirəm ki, hər bir vətənpərvər insan öz
ölkəsi ilə, bugünkü Azərbaycan ilə haqlı olaraq fəxr edə bilər”.
Azərbaycan bütün optimal nəqliyyat-kommunikasiya
xətlərinin, habelə neft-qaz boru kəmərlərinin keçdiyi əlverişli tranzit məkan
kimi təkcə Avropa üçün deyil, həm də Uzaq Şərq üçün strateji əhəmiyyət kəsb
edən ölkədir. Avropa Şurasının tamhüquqlu üzvü olan respublikamızın
avrostrukturlara inteqrasiya prosesində BMT, ATƏT, Avropa Birliyi, NATO kimi
təşkilatlarla sıx əməkdaşlığı hüquqi dövlət və vətəndaş cəmiyyəti quruculuğu
prosesinin dönməzliyinə etibarlı təminat kimi qiymətləndirilir. Azərbaycanın
BMT-dən sonra dünya miqyasında ən çox ölkənin təmsil olunduğu nüfuzlu
beynəlxalq təsisat - Qoşulmama Hərəkatı ilə əmək daşlığı da bu baxımdan xüsusi
əhəmiyyət kəsb edir.
2011-2012-ci
illərdə Azərbaycan 155 dövlətin dəstəyi ilə BMT Təhlükəsizlik Şurasına
qeyri-daimi üzv seçilib, 120 dövlətin təmsil olunduğu Qoşulmama Hərəkatına üzv
qəbul edilib. 2019-2022-ci illər Azərbaycan Respublikasının Hərəkata sədrlik
dövrüdür. 120
dövlətin üzv olduğu Qoşulmama Hərəkatının yekun sənədində Azərbaycanın haqlı
mövqeyinin dəstəklənməsi ölkə diplomatiyasının növbəti uğuru kimi
qiymətləndirilə bilər. Bu, Ermənistanın beynəlxalq miqyasda aldığı daha bir
zərbədir.
Prezident İlham Əliyev ötən 15
ildə dünya siyasətinə əsaslı təsir imkanları olan dövlətlərlə qarşılıqlı faydalı
əməkdaşlığı genişləndirmək, inkişaf etdirmək, beynəlxalq təşkilatlarda Azərbaycanın
mövqelərini gücləndirmək istiqamətində sistemli fəaliyyət göstərir. Dşvlət başçısı ötən il xarici ölkələrə 16 səfər edib və Azərbaycana 16 dövlət və hökumət başçısı səfər
edib. Bu, bir daha Azərbaycanın xarici siyasətinin çoxşaxəli oldugunu sübuta
yetirir. İqtisadi və geostrateji maraqların ödənməsi, vətəndaşların təhlükəsiz
yaşayışının təmin olunması həyata keçirilən xarici siyasətin prioritet məqsədləridir.
Azərbaycanın müstəqil xarici siyasəti ilə ayrı-ayrı dövlətlərlə münasibətlərdə bərabərhüquqlu
tərəfdaşa çevrilməsi, beynəlxalq təşkilatlarla qarşılıqlı faydalı əməkdaşlıq əlaqələri
qurması müsbət nəticələrin əldə olunmasnın şərtləndirib.
Azərbaycanın
ərazi bütövlüyünü təmin etmək dövlət başçısı İlham Əliyevin xarici siyasətinin
prioritet məqsədləri sırasında xüsusi vurğulana bilər. Azərbaycan dövləti, xalqı
konstruktiv danışıqlar ruhuna sadiq olmaqla yanaşı, münaqişənin istənilən vaxt beynəlxalq
hüquq çərçivəsində güc yolu ilə həllinə qadir oldugunu da sübuta yetirib. 2016-cı
il apreldə cəbhədə baş verən hadisələr Bakının son illərdə faktiki dalana
dirənmiş danışıqlar prosesindəki hərbi-siyasi, psixoloji üstünlüyünü təmin etdi.
Azərbaycan
ordusunun 2 min hektar ərazini işğaldan azad etməsi beynəlxalq birlik tərəfindən
qəbul olundu. Tənzimləmə prosesində beynəlxalq hüquq normalarına istinad imkanları
tamamilə daralan işğalçı Ermənistan ideoloji, siyasi, hüquqi, iqtisadi və hərbi
müstəvilərdə Azərbaycana uduzur. Daglıq Qarabag münaişəsinin Azərbaycanın
maraqlarına uygun həll edilməsi üşün yeni imkanların açılması Ermənistan tərəfindən
böyük narahatlıq və əndişə yaradıb. Proseslərin məntiqi davamı problemin
maraqlarımıza uygun qısa zamanda həll ediləcəyinə inamı artırır. Müxtəlif ölkələr və beynəlxalq təşkilatların Azərbaycanın
ərazi bütövlüyünün və suverenliyinin dəstəklənməsi ilə baglı bəyanatları və
işgalçı Ermənistanı konkret olaraq beynəlxalq hüquq normalarına uygun
davranmaga çagırlşları bunu bir daha sübut edir.
Bölgədə sabitliyin
və sülhün təmin olunmasına töhfə verən, ərazi toxunulmazlığının qorunması istiqamətində
prinsipal mövqe nümayiş etdirən Azərbaycanın dünya birliyinə təsir imkanları daha
da genişlənir. Azərbaycanın təsir
imkanlarının genişlənməsi və bölgədə real gücə çevrilməsi ən böyük problemimiz
olan Daglıq Qarabag münaqişəsinin maraqlarımıza uygun həllini də tezləşdirir.
Комментарии
Отправить комментарий