Çadırlardan – müasir şəhərciklərə aparan yol...
Azərbaycanda ümumi inkişafı şəraitində sosial cəhətdən
həssas, daim qaygıya, diqqətə ehtiyac duyan bir qrup var. Bu qrup aztəminatlı əhali
kateqoriyasına daxil olan qaçqın və məcburi köçkün soydaşlarımızdır. Bu
kateqoriyadan olan vətəndaşlarımızın mənzil şəraitinin yaxşılaşdırılması, aylıq müavinətlərinin artırılması ilə bağlı son 16 ildə ölkə rəhbərliyi
tərəfindən ardıcıl addımlar atılıb.
Dövlət başçısı İlham Əliyevin idarəçilik keyfiyyətləri sırasında diqqəti çəkən ən mühüm məqam da ictimai öhdəliklərə, xalq qarşısında verdiyi hər bir vədə yüksək sadiqlik göstərməsidir. Hələ 2003-cü il oktyabrın 1-də
prezident seçkiləri ərəfəsində ilk görüşünü Biləsuvar rayonu ərazisində məcburi
köçkünlər üçün salınmış yeni qəsəbələrdə keçirən cənab İlham Əliyev "ölkədə
bir dənə də çadır düşərgəsi
qalmayacaq", - deyə bəyanat vermişdi.
Prezident İlham Əliyevin 2004-cü il 1 iyul tarixli
sərəncamı ilə təsdiqlədiyi "Qaçqınların və məcburi köçkünlərin yaşayış şəraitinin
yaxşılaşdırılması və məşğulluğunun artırılması üzrə Dövlət Proqramı"bu
istiqamətdə mühüm sənəd oldu. 2007-ci il 31 oktyabr tarixli və 2011-ci il 21 fevral tarixli sərəncamları
ilə Dövlət Proqramına Əlavələr təsdiq edildi. Ötən illərdə həyata keçirilən tədbirlər
nəticəsində həmin Dövlət Proqramı, ona edilmiş Əlavələr və digər normativ
aktlar uğurla icra edilib .
Təssüflər olsun ki, bütün sahələrdə əldə olunan
ugurlara qara eynəklə baxan antimilli qüvvələr və onların siyasi marionetləri ötən illərdə görülən işlərlə baglı qərəzli və
sərsəm fikirlər səsləndirirlər. Bu istiqamətdə davamlı işlər görüldükcə
inkarçılar da əsassız arqumentlərlə sponsor dəstəkli internet resurslarında
sayaqlayırlar.
Qaçqın və məcburi köçkülərin yataqxanalardan, qəzalı
vəziyyətdə olan binalardan ən müasir standartlar səviyyəsində inşa olunmuş mənzillərə
köçürülməsi prosesi bu gün də davam edir.
Prezident
İlham Əliyevin xalqa layiqli rəhbərlik missiyasının əsasında da hər bir vətəndaşın maraq və mənafeyini maksimum dərəcədə təmin edən mükəmməl idarəetmə
sisteminin yaradılması istəyi
dayanır. Bəzi statistik rəqəmləri aşıqlamaqla antimilli qüvvələrə
bu istiqamətdə həyata keçirilən genişmiqyaslı işləri göstərməyi vacib sayıram.
- 2007-ci ildə ölkədəki 12 çadır düşərgəsinin ləğv edilməsi
ilə başlanan proses nəticəsində qaçqın və məcburi köçkünlər üçün indiyədək 3,5
milyon kvadratmetr yaşayış sahəsi olan müasir qəsəbələr və çoxmərtəbəli
binalardan ibarət yaşayış kompleksləri salınıb.
- 58 min 203 ailə və ya 300 min qaçqın və məcburi köçkünün
mənzil şəraiti yaxşılaşdırılıb.
- 2018-ci ildə 5903 məcburi köçkün ailəsi yeni mənzillərə
köçürülüb. Ümumilikdə bu kateqoriyadan olan insanların sosial problemlərinin həlli
üçün indiyədək 7,1 milyard manat vəsait xərclənib. Açılan yeni iş yerləri nəticəsində
məcburi köçkünlər arasında yoxsulluq həddi son 15 ildə 75 faizdən 12 faizədək
azalıb.
Bu kateqoriyadan olan vətəndaşlarımızın sosial təminatının yaxşılaşdırılmasına
7,1 milyard manat vəsait ayrılıb. Məcburi köçkünlər və onlara bərabər tutulan şəxslər
üçün vahid aylıq müavinətin məbləği 2019-cu il aprelin 1-dən 50 faiz artırılıb.
Bu günlərdə
Prezident İlham Əliyevin Bakının Kürdəxanı qəsəbəsində 810 məcburi köçkün ailəsi
üçün salınan yeni yaşayış kompleksinin aşılışında iştirak etməsi də bu
kateqoriyadan olan soydaşlarımıza göstərilən davamlı diqqəti bir daha göstərir.
2018-ci ilin mart ayında başlanan tikinti işləri yüksək keyfiyyətlə sona
çatdırılıb. Layihə üzrə doqquzmərtəbəli 15 bina tikilib ki, bunlardan 9-u 54,
4-ü 36, digərləri isə 108 və 72 mənzillidir. Yeni yaşayış kompleksində məktəb
və uşaq bağçası, o cümlədən digər zəruri infrastruktur obyektləri - klub-icma
mərkəzi, həkim məntəqəsi inşa edilib, istirahət parkı salınıb, uşaq
meydançaları yaradılıb, ərazidə geniş abadlıq və yaşıllaşdırma işləri görülüb.Ölkənin
iqtisadi inkişafından, neft strategiyasının səmərəli nəticələrindən əldə
edilən dividentlər insanların sosial problemlərinin həllinə, vətəndaşların
həyat səviyyəsinin yaxşılaşdırılmasına yönəldilir.
Yeni yaşayış binasının açılışında Prezident bir
daha dövlət siyasətinin mərkəzində Azərbaycan vətəndaşının dayandıgnı bildidi:
“Mən çox şadam ki, belə gözəl qəsəbə salınıb, burada 810 ailə yaşayacaq. Bütün
şərait yaradılıb. Mənzillərlə tanış oldum, geniş, yaraşıqlı mənzillərdir. Böyük
məktəb tikilib, uşaq bağçası, ictimai yerlər kifayət qədər genişdir. Yəni,
burada yaşamaq üçün bütün imkanlar var. Tezliklə buraya bu günə qədər ağır vəziyyətdə
yaşayan köçkünlər köçəcəklər. O köçkünlər ki, uzun illər ərzində
yataqxanalarda, pansionatlarda, digər uyğunlaşdırılmış yerlərdə yaşamışlar.
Onların həyatında yeni dövr başlayır. Burada yaradılan şərait ən yüksək
standartlara cavab verir. Gözəl, yaraşıqlı binalar, geniş otaqlar, mənzillər.
Bu, bizim siyasətimizi göstərir. Siyasətimizin mərkəzində Azərbaycan vətəndaşı
dayanır. Məcburi köçkünlərin problemlərinin həlli bizim üçün ən prioritet məsələdir”.
Fəaliyyətində ictimai rəyə
əsaslanan, hər bir fərdin maraq və mənafeyini özündə ehtiva edən siyasət hər
zaman ictimai etimad qazanır, dəstəklənir. Mənsub olduğu xalqın etimadını əməli fəaliyyəti ilə
doğrultmaq, milyonlarla insanın rəğbətini qazanaraq liderlik səviyyəsinə yüksəlmək
heç də hər bir rəhbərə nəsib olmur. Bu gün ugurları görməzdən gələn yalnız
sosial şəbəkələr vastəsilə qarayaxma kampaniyası aparan xarici antimilli qüvvələr
və onların daxildəki siyasi alətləri anlamalıdırlar ki, artıq populizmlə,
avantürist hərəkətlərlə insanların diqqətini cəlb etmək mərhələsi keçib. Özünüzə
başqa məşguliyyət tapın...
Комментарии
Отправить комментарий