Aprel zəfərinin vahiməsi: Paşinyan və Tonoyanın timsalında
Üç
il öncə cəbhə bölgəsində Ermənistan ordusu üzərində qazanılan ugurdan sonra rəsmi Bakının danışıqlar
prosesindəki hərbi-siyasi, psixoloji üstünlüyü tam təmin edildi. Azərbaycan
qısamüddətli hərbi əməliyyatlarda qazandığı real zəfərlərlə münaqişənin həllini
süni şəkildə uzatmaq yolu tutmuş qüvvələrə ciddi və sərt mesaj verdi: danışıqlar
prosesi imitasiya xarakteri daşımamalıdır. Azərbaycan beynəlxalq hüquq
normalarına söykənərək ən qısa müddətdə öz torpaqlarını azad etmək, ərazi
bütövlüyünü və suverenliyini təmin etmək əzmindədir.
Aprel döyüşləri göstərdi ki, Prezident İlham
Əliyevin ordu quruculuğu ilə bağlı əvvəlcədən gördüyü hərtərəfli tədbirlər
düşmənə sarsıdıcı zərbə vurmağa imkan verir. Azərbaycan tərəfi Ermənstana sərt
mesaj verdi ki, istənilən təxribatın qarşısı dərhal alınacaq və bu dəfə vurulan
zərbə daha kəsərli olacaq!
Bu
il də aprel zəfəri ilə bağlı sosial şəbəkələrdə, KİV-lərdə həmin dövrün
xalqımıza yaşatdıgı Qələbə sevincindən bəhs edən paylaşımlar, məqalələr geniş
yer alıb. Ancaq ordumuzun qəhrəmanlıq nümunəsi ilə baglı ölkə rəhbərliyi
tərəfindən sosial şəbəkələr vasitəsilə aparılan fəal təbliğat bu baxımdan daha
çox diqqəti cəlb etdi.
Prezident İlham
Əliyev “Facebook” səhifəsində və “YouTube” kanalında Azərbaycan Ordusunun aprel
qələbəsinin üçüncü ildönümü münasibətilə videoçarx paylaşıb. Videoçarxa
“Qəhrəmanlarımızla fəxr edirik! APREL 2016” şərhi verilib.
Birinci vitse-prezidenti Mehriban Əliyeva də
rəsmi “İnstagram” səhifəsində bu barədə yazıb: "Aprel döyüşləri bir
daha bütün dünyaya nümayiş etdirdi ki, Azərbaycan dövləti işğalla heç zaman
barışmayacaq və Azərbaycan Ordusu lazım olan əməliyyatı uğurla həyata keçirməyə
qadirdir. Bu döyüşlər zamanı mərd və cəsarətli Azərbaycan gəncləri,
əsgərlərimiz, zabitlərimiz Vətən yolunda qəhrəmanlıq göstərərək şəhid oldular,
ömürlərini qurban verdilər. Azərbaycanın ərazi bütövlüyünün bərpası,
müstəqilliyi, ölkəmizin daha qüdrətli, daha möhkəm olması yolunda şəhid olmuş
bütün insanlara Allah rəhmət eləsin. Onların əziz xatirəsi Azərbaycan xalqının
qəlbində daim yaşayacaq".
Azərbaycan rəhbərliyinin aprel döyüşləri ilə
bağlı aktiv təbliğatı Ermənistan cəmiyyətində dərin təşvişə səbəb olmaqla rəsmi
dairələrin də narahatçılıgı ilə qarşılanıb. Ermənistan Xarici İşlər Nazirliyinin
dərhal bəyanat yayması deyilənləri təsdiqləyir. İşgalçı ölkənin XİN-in yaydıgı
məlumatda göstərilir ki, guya 3 il əvvəl qondarma rejimin hərbçiləri Azərbaycan
tərəfinin genişmiqyaslı hücumunun qarşısını almağa müvəffəq olublar. Ermənistan
XİN səviyyəsində aprel döyüşləri ilə bağlı verilən tələm-tələsik bəyanat bir
daha sübut edir ki, Azərbaycanın dövlət
rəhbərlərinin apardığı təbliğat qarşısında Ermənistanın rəsmi dairələri erməni
ictimaiyyətinə əsaslandırılmış bir cavab verə bilmirlər və açıqlamanı da
faktlardan yayınmaq cəhdi kimi qiymətləndirmək olar.
Fakt
faktlıgında qalır. 3 il əvvəl Tərtər rayonunun Talış kəndi ətrafındakı
yüksəkliklər, Cəbrayıl rayonunun Lələtəpə yüksəkliyi və bəzi strateji mövqelər
düşməndən azad olundu. Aprel döyüşləri nəticəsində Azərbaycan Silahlı Qüvvələri
2 min hektarlıq ərazini işgaldan azad etdi. Aprelin 5-də
Azərbaycan tərəfi sülhpərvərlik nümayiş etdirərək məhz Ermənistanın o vaxtkı
hakimiyyətinin xahişindən sonra
atəşkəsə razılıq verdi. O vaxt da Azərbaycan rəhbərliyi bəyan etdi ki, atəşkəs
rejimi haqqında razılaşmanın Ermənistan tərəfindən pozulması təkrarən baş
verərsə, düşmənə vurulacaq zərbələr daha ağır
olacaq. Ermənistan tərəfinin geniş əks təbligatına
baxmayaraq beynəlxalq birlik də torpaqların Azərbaycana məxsus oldugunu qəbul
etdi.
Bu günlərdə
Ermənistanın baş naziri Nikol Paşinyan populist və daxili auditoriyanın diqqətini
baş vermiş hadisədən yayındırmaga hesablanan sərsəm bəyanatlar verib. Şübhəsiz
ki, hakimiyyətə çevriliş yolu ilə gələn baş nazir ölkədəki sosial, iqtisadi,
siyasi problemlərin dərinləşdiyi, ordu quruculugu sahəsində ciddi işlərin
görülmədiyi bir vaxtda ritorikaya əl atmaqdan başqa çarəsi qalmayıb. Ölkədə baş
qaldırmış narazılıqlar fonunda onun spekulyativ bəyanatlar səsləndirməsi bu
baxımdan anlşılandı. Ölkəni feodalizm qaydalarına uygun idarə edən Paşinyanın
sistemsiz və məntiqi olmayan açıqlamalarla şzanü daha gülünc vəziyyətə salır.
Prezidentlərin Vyana görüşünədək qondarma rejimi də
danışıqlar prosesində tərəf kimi göstərməyə şalışan siyasi müqəvva olan
Paşinyan ATƏT-in Minsk qrupunun həmsədrlərinin bəyanatından
sonra danışıqlar prosesinin formatının
dəyişməzliyini qəbul etmək məcburiyyətində qaldı. Vyana görüşü bir daha
göstərdi ki, danışıqlar münaqişə tərəfləri olan Ermənistan və Azərbaycan
arasında aparılmaqdadır.
Azərbaycan Prezidentinin aprel qələbəsinin
üçüncü ildönümü münasibətilə “facebook” səhifəsində videoçarx paylaşması
fonunda işgalçı ölkənin baş naziri Nikol Paşinyanın erməni ictimaiyyəti
qarşısında boynu bükük və çarəsiz vəziyyətdə qalması bu günkü Ermənistanın
düşdüyü acınacaqlı durumu əks etdirir. Siyasi, iqtisadi, diplomatik və hərbi
müstəvilərdə Azərbaycana uduzan Ermənistan Nikol Paşinyanın sayəsində çökməkdə
davam edir.
Bu dramatik mənzərədə
Ermənistanın müdafiə naziri David Tonoyanın “yeni ərazilər tutmaq üçün yeni müharibə”
formulunu təqdim etməsi absurd yanaşma olmaqla, Nikol Paşinyan hökumətində
təmsil olunan şəxslərin düşüncə sarıdan da problem yaşadıqlarını göstərir. Çünki aprel zəfəri bu ölkənin ordusunun nəyə
qadir oldugunu göstərdi. Uzun illərdən bəri Ermənistan ordusu barədə
yaratdıqları mif cəmi dörd gün çəkən müharibə zamanı darmadagın oldu.Məlum oldu
ki, silah-sursat sarıdan, eləcə də hərbi qüvvələrin döyüş hazırlgının səviyyəsi
baxımdan Azərbaycan Ordusu ilə heç müqayisəyə gələ bilməzlər. Döyüş meydanında
bu aşkar sübut olundu.
Ermənistanın güclü ordusu olması barədə sərsəm
bəyanatlar verən Ermənistanın müdafiə naziri David Tonoyanın bir ay əvvəl
news.am saytına verdiyi açıqlamanı xatırladıram: “ Hazırda məlum səbəblərdən (Daglıq
Qarabag münaqişəsi) Ermənistan böyük orduya sahib olmalıdır. Lakin ölkə
əhalisinin azsaylı olması ordu sıralarının genişləndirilməsinə mane olur. Bu
səbəbdən də, daha çox müqavilə əsasında hərbi xidmət keçilməsinə üstünlük
verilməlidir. Amma bunun üçün Ermənistan büdcəsində pul çatışmır. Bizim
bütün beynəlxalq standartlar üzrə əhalinin sayı ilə qeyri-mütənasib ordumuz
olmalıdır. Bunun üçün biz təcili icbari və müqaviləli hərbi xidmət sistemini
təkmilləşdirmək naminə hər şeyi edirik. Çünki başqa variantımız yoxdur. Amma
tam müqaviləli hərbi xidmətə keçmək üçün bu gün heç bir maliyyə imkanımız
yoxdur” - Tonoyan vurğulayıb. Bu xatırlatma daha bir erməni siyasi
klounlugunun nümunəsidir.
Azərbaycanın
Xarici İşlər nazirliyi də Ermənistan müdafiə nazirinin son bəyanatına münasibət
bildirib. Bəyanatda bldirilir ki, bu kimi addımlar iki ölkə rəhbərləri
səviyyəsində baş tutmuş Vyana görüşü və onun nəticəsində qəbul edilmiş birgə
bəyanata uyğun gəlmir: “Təkrar edirik ki, bu kimi təxribatlar uzun illər
ərzində aparılan danışıqlar prosesini və ATƏT-in Minsk Qrupunu həmsədrlərin
fəaliyyətini ciddi sual altına qoyur. Vurğulamaq istərdik ki, belə təhlükəli
ritorikanın mümkün mənfi nəticələrinə görə bütün məsuliyyət Ermənistan
tərəfinin üzərindədir”.
Ermənistanda
Azərbaycan Ordusununu dördgünlük müharibə zamanı qazandıgı zəfər hələ uzun
müddət unudulmayacaq. İşgalçı dövlətin rəhbərlərinin böyük təşvişlə açıqlamalar
vermələri bu qorxunun təzahürüdür.
Комментарии
Отправить комментарий