Vətəndaşları qaygılandıran problemli kreditlər məsələsi ugurla həll edildi

“Xalq prezidenti seçir, prezident də xalqın qarşısında cavab verməlidir. Əgər xalq onun fəaliyyətini dəstəkləyirsə, ona inanırsa, bu, ən böyük mükafatdır” - bu sözlərin müəllifi olan Prezident İlham Əliyevə olan xalqın böyük inamı məhz onun hakimiyyəti yalnız vətəndaşlara xidmət vasitəsi kimi dəyərləndirməsindən irəli gəlir.

Dövlət başçısının mütərəqqi iqtisadi və sosial isla­hatları həyata keçir­məkdə məqsədi iqtisadi inkişaf prose­sində hər bir vətəndaşın işti­rakını təmin etmək, mövcud po­tensialdan hər bir fər­din ba­carıq və qabiliy­yə­tinə görə ədalətli şə­kildə yararlan­ma­sına şərait yarat­maqdır. Hər bir fər­din maraq və məna­feyini özündə ehtiva edən bu siyasət hər za­man ictimai etimad qa­za­nır, dəstəklənir. Dövlət başçısı İlham Əliyevin idarəçilik keyfiyyətləri sırasında diq­qəti çəkən ən mühüm məqam da ictimai öhdəliklərə, xalq qarşısında ver­­­diyi hər bir vədə yüksək sadiqlik göstərməsi, xalqın sosial rifahının yaxşılaşdırılması üçün davamlı tədbirlər həyata ke­çir­­mə­sidir.

Vətəndaş­ların həyati tələbatları­nın ödənil­məsinə göstərilən bu qayğı özü­nü bilavasitə sosial təminat sistemində biruzə verir. Sıravi vətəndaşlarla birbaşa ünsiyyət quraraq mövcud çətinliklər barədə informasiyaları ilkin mənbədən almaq üçün vaxtaşırı paytaxta və regionlara təşkil edilən səfərlər Prezidentin ötən 16 illik fəaliyyətinin  əsas istiqamətlərindən biri kimi diqqəti çəkir. Vətəndaşlar tərəfindən qaldırılan sosial təmayüllü məsələlərin həll edilməsi məqsədilə imzalanan dövlət proqramları, fərman və sərəncamlar birbaşa insanların rifah halının yüksəlməsinə xidmət edir. Cari ilin əvvəllərindən başlayaraq ən müxtəlif sosial qrupların maddi dururmunu yüksəlməsinə xidmət edən mühüm sənədlərin imzalanması da buna əyani sübutdur.

Sosial sahədə atılan mühüm addımların davamı kimi problemli kreditlərlə baglı məsələnin həll edilməsi də insanlar tərəfindən böyük coşqu ilə qarşılanıb. Çünki banklardan vaxtilə kredit götürən vətəndaşlar sonradan onların qaytarılmasında ciddi çətinliklərlə üzləşmişdilər. Prezident İlham Əliyevin vətəndaşlarımızı narahat edən problemli kreditlər məsələsinin həlli edilməsi ilə baglı konkret fərman imzalaması da ölkə başçısının fəaliyyətini daim ictimai inam və etimadı doğrultmaq məramı üzərində qurduğunu təsdiqlədi.

 Hələ 2012-ci ildə buna oxşar bir problem ortaya çıxmışdı. O zaman əhalini SSRİ Əmanət Banklarında qalan əmanətlərinin taleyi qaygılandırırdı. Həmin dövrün ən yaddaqalan sosial layihələrindən biri ölkə başçısının 2012-ci il 14 mart tarixdə vətəndaşların keçmiş SSRİ Əmanət Bankında qalan əmanətlərinin fərdi birdəfəlik qaytarılmasını nəzərdə tutan xüsusi fərman imzalaması olmuşdu. Vətəndaşları uzun illərdən bəri qayğılandıran bu məsələnin uğurlu həllini tapması sosial məsələlərin həllininin ölkə başçısının daimi diqqət mərkəzində olduğunu göstərir. Fərmanın icrası üçün böyük maliyyə vəsaiti ayrıldı ki, bu da 2 milyon 400 min şəxsi əhatə etdi. Düzdür, Azərbaycan dövləti o əməanətlərə heç bir hüquqi, mənəvi məsuliyyət və öhdəlik daşımasa da ölkə rəhbərliyi insanlarımızın mənafeyini nəzərə alaraq belə bir addım atdı.

“Biz bu məsələni həll etməklə əsas vəzifəni vətəndaşların rifah halının yaxşılaşmasında, onların maliyyə yükünün azaldılmasında görürük. Bu, ilk növbədə, ciddi sosial təşəbbüs kimi qəbul edilməlidir”-deyən Cənab Prezident bu məsələ ilə baglı müvafiq qurumlara tapşırıq verdi və ən qısa müddətdə optimal həll variantı tapıldı. Bu məsələdə də vətəndaşların mənafeyi əsas götürüldü.

Dövlət problemin həlli ilə bağlı maliyyə vəsaitinin böyük hissəsini öz üzərinə götürüb. Fərmanda iki dövrdə götürülən problemli kreditlərin birdəfəlik həlli nəzərdə tutulub. Birinci dövr 2015-ci ilin fevralın 21-nə qədər, ikinci dövr isə 2015-ci ilin fevralın 22-dən dekabrın 21-nə qədər olan dövrdə vətəndaşların götürdüyü kreditlərlə bağlıdır. Fərmanda aydın şəkildə göstərilib ki, bu hədd 10 min dollar, 17 min manat səviyyəsində olmalıdır. Birinci mərhələdə götürülən  hər 1 dollara görə, 0,25 manat, fevralın 22-dən dekabrın 21-nə qədər götürülən hər dollar kreditə görə isə 0,6 manat ödəniş müəyyənləşib. Bu fərman 900 minə yaxın vətəndaşını əhatə edəcək. Bununla da insanların çoxdan gözlədiyi və onları ciddi narahat edən məsələ birdəfəlik həll olunacaq. Qeyd edim ki, əhalinin banklara olan kredit borcu 1 milyard dollardan atrıqdır.

 Problemli kreditlərin həll edilməsi bankların da fəaliyyətinə əlavə stimul verəcək.  Eyni zamanda banklarla vətəndaşlar arasında qarşılıqlı etimadın bərpa olunmasına imkan yaradacaq. Prezident İlham Əliyevin imzaladıgı bu fərman vətəndaşlarımızın dövlətdən gözləntilərini tam yerinə yetirdi.

Təəssüflər olsun ki, Prezidentin həyata keçirdiyi sosial islahatlar paketi ilə baglı radikal müxalifət düşərgəsində sərsəm mövqe nümayiş etdirənlər var. Bu dəfə də  radikalların ag qargası Əli Kərimli baş roldadır. O özünün facebook hesabında problemli kreditlərin dövlət hesabına həll edilməsini spelyukativ formada izah edərək yenə də “siyasi klounluq” edib. Bir qrup trol dəstəsini də işə salaraq ambisioz, populist bəyanatlar səsləndirib. Ancaq onun sərsəmləmələri düşdüyü acınacaqlı durumdan xəbər verir. Çünki 19 və 20 yanvarda etdiyi təxribatçı hərəkətlərlə özünü və başıpozuq dəstəsini Azərbaycan ictimaiyyətinə bir daha tanıtdıra bilib. Onun indiki sayaqlamaları isə nə qədər rəzil bir vəziyyərtə oldugunu gşstərir.

Azərbaycan Prezidenti problemli kreditlər məsələsinə birdəfəlik son qoymaqla 900 min insanın narahatçılıgını aradan qaldırdı. Dünyanın heç bir ölkəsində vətəndaşlarla bank arasında yaranmış bu tip məsələlərdə dövlət hər hansı müdaxilə etmir. Prezidentin bu addımı bir daha onun xalqın mənafeyindən çıxış etdiyini və insanların istənilən probleminə həssaslıqla yanaşdıgını bir daha təsdiqlədi.