VII Qlobal Bakı Forumu: yeni xarici siyasətdə əsas gözləntilər
VII
Qlobal Forumun paytaxtımızda keçirilməsi dünyanın diqqətini növbəti dəfə
Cənubu Qafqaz regionuna və bölgənin əsas güc mərkəzinə çevrilmiş Azərbaycana yönəltdi. Bir daha təsdiq olundu
ki, Bakı sülh, tərəqqi və əməkdaşlıq paytaxtıdır və ölkə həqiqətlərinin dünyaya
çatdırılması baxımından bu platformanın böyük əhəmiyyəti var.
Prezident İlham Əliyevin himayəsi və Nizami
Gəncəvi Beynəlxalq Mərkəzinin təşkilatçılığı ilə baş tutan VII Qlobal Bakı Forumunun işində 55 ölkədən
500-dən çox nümayəndə iştirak etməsi bu tədbirin beynəlxalq miqyasda
dəstəkləndiyini və əhatə dairəsinin eləcə də nüfuzunun ildən-ilə yüksəldiyini göstərdi.
Bu dəfə “Dünyanın yeni xarici siyasəti” mövzusunda keçirilən Foruma hazırda
fəaliyyətdə olan 5 prezident, 1 baş nazir, 2 baş nazirin müavini, 42 sabiq
dövlət başçısı və baş nazirlər, çoxsaylı analitiklər, jurnalistlər, gənc
liderlər toplaşdılar. Forumda 10 müxtəlif sessiya zamanı iştirakçılar
tərəfindən qlobal və regional əhəmiyyət daşıyan məsələlər müzakirə edildi.
Dünyada mühüm beynəlxalq platformaya çevrilən Qlobal Bakı Forumu çərçivəsində
beynəlxalq əhəmiyyət daşıyan məsələlər ətrafında fikir mübadiləsi aparıldı.
Forumda dünyanın yeni xarici
siyasət məsələlərinin müzakirə predmetinə çevrilməsi də təsadüfi deyildi. Qlobal
iqtisadi böhranın, milyonlarla insanın yaşayışına, ayrı-ayrı dövlətlərin
iqtisadiyyatına təsir edən siyasi münaqişələrin davam etdiyi, ərzaq
çatışmazlığı probleminin mövcud olduğu indiki dövrdə siyasi liderləri bir araya
toplayan Qlobal Bakı Forumu bir çox məsələlərin müzakirəsinə və vacib
qərarların qəbuluna əlverişli mühit yaradır. Yaxın Şərqdə və Avropanın müəyyən
yerlərindəki vəziyyət, qaçqın böhranı son illərin reallıqlarıdır. Avropanı
bürümüş “sarı jiletlilər” hərəkatı və Suriyada terrorla mücadilə və böyük qaçqın
kütləsinin hələ də öz torpaqlarına qayıda bilməmələri, qonşu ölkələrə
səpələnmələri humanitar fəlakətə gətirib. Faktiki olaraq dünyanın iqtisadi,
siyasi və hərbi cəhətdən qüdrətli dövlətlərinin bu tip məsələlərdə hələ də
vahid konsepsiyalarının olmamaları son nəticədə apardıqları xarici siyasət
xəttində müəyyən qeyri-müəyyənliyə gətirib çıxarır. Bu da ümumən dünyanın siyasi
mənzərəsinin tədricən dəyişməsinə eləcə də yeni-yeni münaqişə ocaqlarının
yaranmasına səbəb olur ki, bundan da xalqlar əziyyət çəkir. Odur
ki, VII Qlobal Bakı Forumunun əsas məqsədlərindən biri də məhz bu məsələlərin
müzakirəsi və ayrı-ayrı dövlətlərin iştirakçılarının təcrübə və biliklərini bu
kimi məsələlərə yönəltməklə yaranmış
vəziyyətdən çıxış yolunun tapılmasına nail olmaqdır.
Prezident İlham Əliyev Qlobal Forumda çıxışı
zamanı Azərbayacnın xarici siyasəti, regional və qlobal təhlükəsizlik
məsələləri, Ermənistan-Azərbaycan, Daglıq Qarabag münaqişəsi, ölkəmizin multikulturalizm mərkəzi olmasından danışdı
və bu əməkdaşılıq platformasından istifadə edərək dünyanın diqqətini növbəti
dəfə respublikamız yönəltdi.
Ölkə başçısının son 16 ildə apardıgı xarici siyasət strategiyası
müstəqil dövlətimizin milli mənafelərinə hörmətlə yanaşan bütün beynəlxalq
təşkilatlar və xarici dövlətlərlə əməkdaşlıq əlaqələrinin daha da
genişləndirilməsi müstəvisi üzərində qurulub. Uğuru xarici siyasət nəticəsində ölkəmizin dünyadakı mövqeləri xeyli güclənib. Bir çox
beynəlxalq tədbirlərin Azərbaycanda keçirilməsi ölkəmizin artıq regionun
siyasi, iqtisadi və mədəni mərkəzinə çevrildiyinin sübutudur. Bakı şəhərinin
mühüm beynəlxalq tədbirlərə ev sahibliyi etməsi artıq ənənə halını alıb. Bakıda
beynəlxalq tədbirlərin uğurla keçirilməsi ölkəmizin dünya miqyasında nüfuzunun
yüksəldiyini bir daha sübuta yetirir.
Budəfəki
Forumda da beynəlxalq münasibətlərin gələcəyi, münaqişələrin qarşısının alınmasında
dialoqun rolu, miqrasiya, multikulturalizm, qlobal təhlükəsizliyin təmin olunması
və digər mühüm məsələlər müzakirə olundu. Bir çox mühüm beynəlxalq tədbirlərin keçirilməsində
zəngin təcrübə toplayan Azərbaycan Qlobal Bakı Forumlarına da da uğurla ev sahibliyi
edir. Bu cür tədbirlər ölkəmizin beynəlxalq birliyə təqdim olunması baxımından da
vacib əhəmiyyət daşıyır. Forumda qlobal sülhə
nail olmaq üçün dialoqun qurulması, mövcud müharibələrin qarşısının alınması və
gələcəkdə onlardan yayınmaq yolları, çoxqütblü dünya nizamının dəyərlərinin təşviqi
və digər mühüm mövzularda səmərəli müzakirələr aparıldı. Bu
mövzular arasında “Qlobal siyasətin dəyişməsində böyük güclərin rolu”, “Davamlı
inkişaf çağırışları”, “Təhlükəsizlik naminə orta Şərq əməkdaşlığı”, “Müasir
qərarların qəbul edilməsində elm və mədəniyyətin rolu” xüsusu olaraq diqqəti
cəlb etdi.
Prezident
İlham Əliyev VII Qlobal Bakı Forumunda Azərbaycanın xarici siyasət
strategiyasının əsas prioritetlərini bir daha açıqladı: “Azərbaycanın xarici siyasəti barədə danışarkən, mən
deyərdim ki, o, çox dəyişməyib. Biz Azərbaycanın yeni xarici siyasəti barədə
danışa bilmərik. Lakin sözsüz ki, regionda, dünyada vəziyyət dəyişir və biz
xarici siyasət təşəbbüslərimizi dəyişən dünyaya uyğunlaşdırırıq. Lakin bizim
xarici siyasətimiz əsas etibarilə sabit, proqnozlaşdırıla bilən və müstəqildir.
O, bizim milli maraqlarımıza əsaslanır. Tərəfdaşlıq, qarşılıqlı faydalı
əməkdaşlıq vasitəsilə regionumuzda və daha geniş coğrafiyada təhlükəsizlik,
sabitlik istiqamətində ölkələrlə yaxın əlaqələrin qurulması Azərbaycanın
prioritetlərindən biridir. Ona görə də Azərbaycan sonuncu Forumdan bəri xarici
siyasət istiqamətləri ilə bağlı təşəbbüslərini davam etdirib. Düşünürəm ki, biz
ənənəvi tərəfdaşlarımızla əlaqələrimizi gücləndirməyə, yeni dostlar qazanmağa,
yeni körpülər tikməyə müvəffəq olmuşuq”.
Azərbaycan Prezidenti ölkəmizdəki
multikulturalizmdən də danışdı. Ölkə başçısının milli mədəniyyətin və dini
dəyərlərin qorunması, inkişaf etdirilərək gənc nəsillərə çatdırılması ilə bağlı
siyasəti müasir dövrün reallıqları ilə şərtlənir. Ölkəmiz müxtəlif dinlərin
nümayəndələri arasında daha yaxşı anlaşmanın yaradılmasına xidmət edən çoxsaylı
tədbirlər keçirir. Azərbaycan çoxmillətli və çoxkonfessiyalı ölkədir, bütün
millətlərin və dinlərin nümayəndələri ölkəmizdə sülh, anlaşma şəraitində
yaşayırlar.
Əsrlər boyu müxtəlif
xalqların, dinlərin nümayəndələri Azərbaycanda bir ailə kimi, sülh,
əmin-amanlıq, qarşılıqlı anlaşma şəraitində yaşayıblar. Bu müsbət meyillər hazırda da davam edir. Ölkəmizdə heç vaxt
dini, yaxud da ki, milli zəmində qarşıdurma baş verməyib. Multikulturalizmlə bağlı
meyillərini gücləndirilməsi üçün ölkəmizdə bütün zəruri tədbirlər həyata
keçirilir. Bu gün
Azərbaycandakı mövcud dini-etnik dözümlülük, müxtəlif mədəniyyətlər arasındakı
sivil dialoq dünyanın ən nüfuzlu beynəlxalq təşkilatları tərəfindən də təqdir
olunmaqdadır.
Prezident İlham Əliyev tərəfindən 2017-ci ildə Azərbaycan Respublikasında “İslam
həmrəyliyi ili” elan olunması da qlobal məkanda ciddi kataklizmlərin yaşandığı bir
vaxtda zamanın çağırışlarına cavab verən bir addım olmuşdur. Dövlət başçısı tarixdə ilk dəfə olaraq İslam dünyasına
siyasi mesaj ünvanladı, vahid mövqedən çıxış etməyin, birliyə nail olmağın, eyni
zamanda, dünyaya inteqrasiyanın vacibliyinə işarə etdi. İslam ölkələri arasında
ədavəti qızıdırmaq, onlar arasında məzhəb və təriqət savaşlarına rəvac vermək istəyən
xarici dairələr əvvəllər də olub, bu gün də xüsusi fəallıq göstərirlər. Şübhəsiz
ki, 2017-ci ilin respublikamızda “İslam Həmrəyliyi İli”nin elan edilməsi İslam ölkələri
arasında həmrəyliyin yaradılması işinə töhfə vermək baxımından ilk təşəbbüs
oldu.
Monteneqro Prezidenti Milo
Cukanoviç Azərbaycanın son illər ərzində çox vacib
beynəlxalq forumlar təşkil etməsini qlobal və regional sabitliyə öz töhfəsini
verdiyini bildirdi. Bolqarıstanın Baş naziri Boyko
Borisov isə dünyada hökm sürən münaqişələrdən danışdı və
diqqətə çatdırdı ki, münaqişə edən ölkələrin əldə olunan razılaşmalara,
imzalanan sənədlərə riayət etmələri vacibdir. Ölkəsinin qonşularla dostluq
münasibətlərindən danışan Boyko Borisov Azərbaycan ilə əməkdaşlığa xüsusi önəm
verdiklərini bildirdi. Forumda iştirak edən xarici ölkələrin təmsilçiləri
Azərbaycanı yerləşdiyi regonda sülhə və təhlükəsizliyə verdiyi tşhfədən
danışdılar.
Qlobal Bakı Forumu siyasi, iqtisadi və
humanitar sahələrdə dövrümüzün aktual məsələlərinin, dünyada baş verən mühüm
hadisələr və cərəyan edən proseslərin müzakirə olunduğu mühüm platformadır.
Bundan əvvəl keçirilmiş altı forum mövzuların genişliyi və aktuallığı, yüksək
səviyyəli təmsilçilik və tədbirdə iştirak edən nümayəndələrin fəallığı baxımından
dünya ictimaiyyətinin və beynəlxalq medianın diqqətini çəkib.
Bakıda
belə bir mötəbər Forumun keçirilməsi Azərbaycanın tanıdılması baxımından böyük
əhəmiyyət kəsb edir. Şübhəsiz ki, Forumda iştirak edən xarici dövlətlərin
nümayəndələri öz ölkələrində Azərbaycan haqqında, burada gedən inkişafla bağlı
geniş məlumat vercəklər. Dünyanın 55 ölkəsindən 500-dən şox nümayəndənin bir araya gələrək, xarici siyasət
məsələlərini müzakirə etmək üçün mərkəz kimi Bakını seçmələri son dərəcə mühüm
siyasi mahiyyət daşıyır.
Комментарии
Отправить комментарий