Virtual müxalifətçilik: Əli Kərimlinin “1+3” kampaniyası nə məqsəd daşıyırdı?

Əli Kərimli facebook hesabındakı paylaşımında eləcə də xaricdə mənzil qərargahı olan internet resurslarına verdiyi müsahibələrdə 23 fevral mitinqinə rəsmi icazə verilməməsinə qeyri-adekvat, psixoz səviyyədə münasibət bildirib. Qeyd edim ki, BŞİH tərəfindən mitinqin keçirilməsinə icazə  verilməsinə səbəb kimi  yanvarın 19-da icazəli mitinqdən sonra baş verən asayiş pozğunluğu, o cümlədən sözügedən aksiyadan sonra 200-dən artıq ayrı-ayrı təşkilat və vətəndaşların mitinqə icazə verilməməsi üçün etdiyi müraciətlərdir.

 AXCP sədrinin pəjmürdə-hal olmasına səbəb heç də mitinqə icazə verilməməsi ilə baglı deyil. 1 aya yaxındır ki, özü və “trol”lar dəstəsi vastəsilə sosial şəbəkələr üzərindən “1+3” kampaniyası aparılırdı. Bu kampaniyanı üçü birində adlandıranlar da vardı. Belə ki, Əli Kərimlinin təlimatına uygun olaraq mitinqə qatılacaq emosiya qruplarının hər bir üzvünə pul müqabilində əlavə olaraq 3 nəfər təxribatçı şəxsləri cəlb etmək tapşırılmışdı. Bu məqsədlə xarici antiazərbaycançı şəbəkədən babat pul alındıgı da “trol” şəbəkəsinin paylaşımlarından aydın  görünürdü. Artıq pullar “ünvanlara” çatıb. Onun geri qaytarılması imkanları isə sıfıra bərabərdir.

Əli Kərimlinin dünən Milli Şura üzvlərini təcili toplaması da əslində formal xarakter daşıyıb. Toplantıda həmin “maliyyə qrupları” ilə paylanılmış vəsaitlərin sonrakı taleyi müzakirə edilib. Pul davası bu radikal düşərgədə birinci hal deyil. AXCP sədri zaman-zaman yaxın ətrafını aldadaraq şəxsi büdcəsini doldurub. Bu dəfə isə situasiya fərqli oldugundan və pulların geri alınmasının mümkünsüzlüyü səbəbindən həmin təxribatçı qrupa 19 və 20 yanvarda törədilən destruktiv hərəkətlərin təkraralanması tapşırılıb.

Kərimli radikalların “virtual xəbərçisi” Sevinc Osmanqızına bu günlərdə verdiyi müsahibədə bir sıra məsələlərə toxunub və onların içərisində 23 fevralda təxribatçı qrupların hərəkətlərinin koordinasiyasına yönəlik fikirlər də diqqəti cəlb edib. Bu pozuculuq niyyəti isə insanların “azadlıq hüququ” və sərbəst toplaşmaq haqqı kimi təqdim edilib. Belə açıq çagırış Əli Kərimlinin milli heysiyyatdan uzaq, maraqları naminə hər cür rəzilliyə hazır oldugunu bir daha nümayiş etdirib.

 Digər bir məqamsa, aksiyaların mahiyyətinin şişirdilməsi və bunun ölkədə həyata keçirilən islahatlarla hansısa baglılıgı  bir daha müzakirə predmeti olub. Müxalifətçilik oyununun “baş qəhrəmanı” olan Əli Kərimli yenə də xəstə təxəyüllə 19 yanvar mitinqinin kəramətindən danışıb və ölkədə islahatların bundan sonraya təsadüf etdiyini bildirib. Nə qədər anormal yanaşma, istehza doguracaq   hal.

Azərbaycan hakimiyyətinin ötən 16 ildə siyasi, iqtisadi, sosial sferada apardıgı genişmiqyaslı işlər ölkə vətəndaşların rifah halının yüksəlişi ilə nəticələnib. Cari ilin əvvəllərindən də başlayaraq bu islahatlar ugurla davam etdirilib və ölkə başçısının da bəyan etdiyi kimi, 2019-cu ildə bütün sahələr üzrə islahatlar davam etdiriləcək. Aparılan pozitiv islahatlar insanların gündəlik həyatında müsbət dəyişikliklərin baş verməsi ilə müşayiət olunur.  Paradoksal hal odur ki, Əli Kərimli bütün görülən müsbət işlərdə 19 yanvar mitinqinin “izlər”ini axtarır.

 Əli Kərimli ənənəvi populizm, saxta “liderlik” missiyasını davam etdirməklə arxaikləşmiş müxalifətçilik imicini diriltməyə çalışır. Amma bu cür ucuz təbligat metodları, ictimai rəydə ikrah doguran boş vədlərlə nəyəsə nail olmaq mümkün deyil. Azərbaycan cəmiyyətin aldatmaq mümkün deyil. Azərbaycanın bilavasitə təşəbbüsü və liderliyi ilə həyata keşirilən qlobal və regional layihələrdən tutmuş, regionların simasını dəyişən inkişaf proqramlarına qədər bunlar hamısı insanlarımızın daha firavan yaşamasına hesablanıb.  Gorülən işlər Azərbaycan hakimiyyətinin iqtisadi inkişaf konsepsiyasının prioritetləridir.

Bu gün Əli Kərimli hansı alternativ proqram ortaya qoyub? Əli Kərimlinin ətrafındakı insanlara diqqət yertirək. Dar düşüncəli, idarəçilik konsepsiyası olmayan insanlar yıgımı. Hazırda çevrəsinə “trollar” dəstəsi, şantaj qrupları  yıgan bir insan bu “kontingent”lə hakimiyyətə iddialı görünür. 23 fevral mitinqi ilə baglı onun aramsız müsahibələri bir daha bu şəxs və ətrafındakı insanları əsl simalarını ortaya qoydu.

Əli Kərimlinin hazırda mitinq eyforiyasının, eləcə də müxalifətin “lideri” görüntüsü yaratmasının da arxasında məkirli niyyətlərin dayandıgı hamıya məlumdur. 25 illik tarixi keçmiş  bu siyasi buqələmunun  bütün destruktiv gedişlərini analiz etməyə imkan verir.  “Virtual müxalifətçilik”lə  və “trollar”dan ibarət elektoratla siyasi mübarizə aparmaq  bu radikal kəsimin mahiyyətini ortaya qoyur.