Əli Kərimlinin 23 fevral “tezisl”əri: siyasi iflasın son həddi

 Azərbaycan siyasi palitrasında funksionallığını itirən radikal müxalifət təxribatçı və manipulyasiya xarakterli addımlar atmaqla mövcudluqlarını göstərməyə çalışsa da bu əks-effekt verir.  Radikal müxalifətin “mitinq şou”ları fiasko ilə nəticələnsə də hələ ki, siyasi sürüngənliklərini bu yolla davam etdirirlər. 19 yanvar mitinqindən sonra gözlənilirdi ki, Əli Kərimli və onun yedək təşkilatlardan ibarət Milli(siz) Şurası imitasiya xarakter daşıyan aksiyalardan imtina edəcəklər. 19 və 20 yanvarda cəbhəçilərin təxribatçı hərəkətlərinin faktlarla təsdiq olunması da bu  destruktiv qüvvələrin məramlarının sivil siyasi mübarizə metodu olmadıgını təsdiqlədi.

AXCP sədri bu günlərdə radikalların “xaç anası” Sevinc Osmaqnqızının “qonagi” olub və 23 fevralda növbəti mitinqin keçiriləcəyi barədə anons verib. Maraqlı məqamsa AXCP sədrinin mitinqin budəfəki taktikası ilə baglı açıqlamaları olub. Əli Kərimlinin Osmanqızına verdiyi müsahibədə cəbhəçilərə yönəlik təlimatlardan bir daha aydın olur ki, radikal müxalifətin əsas missiyası yenə də siyasi aksiyalarda dağıdıcı subyekt qismində çıxış etmək olacaq. Anti-azərbaycançı, qərəzli xarici dairələrin sifarişlərinin də  məhz emosiya qrupları vastəsilə reallaşdırılması hədəflənib. Məqsəd sabitliyi pozmaq, xaos və dağıdıcı meyillər yaratmaqla sifariş sahiblərinə yaxşı görünməkdir.

Ancaq mitinqlərdə təşkilatçı qismində çıxış edən AXCP sədrinin sosial bazasının olmaması məhz Əli Kərimli tərəfindən rüsvaycasına etiraf olunması bu radikal kəsimin ümumən düşdüyü acınacaqlı durumu göstərir. Əli Kərimli öz facebook hesabında “təşkilatlanma” ərəfəsində olduqlarını bildirib və AXCP sıralarına üzv olmaq üçün gənclərə müraciət edib. Hətta elektron anket formasını da öz səhifəsində yerləşdirib. Nə qədər rəzil bir vəziyyət. Mitinqlərə 50 minlərlə insan toplayacagını və AXCP-nin ən böyük elektorata malik olması ilə baglı dediyi fikirlərin sabun köpüyü olması bir daha təsdiqləndi. Siyasətdə piyada, çağırışlarla bəyanatları saxtakarlıq və riyakarlıq üzərində qurulan partiya rəhbərinin heç bir elekoratının olmadıgı bununla da üzə çıxdı. Mitinqlərə izdihamlı insan kütləsini çıxaracaqları ilə baglı söylədiyi fikirlərin də əsassız olması bir daha təsdiqləndi.

AXCP sədrinin ətrafının siyasi zombilər, ona yaxın partiyanın yığışdığı "Milli Şura”nın isə sintetik bir qurum olmasını nəzərə aldıqda elektoratsız və potensialı olmayan radikalların 23 fevralla baglı manipulyasiyalarının da nəticəsiz olacagı əvvəlcədən bəllidir. Əli Kərimlinin muzdlu “trol”llar dəstəsi isə sosial şəbəkələrdə yenə də aktivləşiblər. İndi də eyni patetika, demaqogiya və Qərbə yönəlik mesajlar trolların ənənəvi üslblarından biri kimi diqqəti şəkir. İllüziyalara qapılan Əli Kərimli yenə də zombilər dəstəsini işə salaraq özünün maraqlarına xidmət edir.

25 ildir ki, radikalizmi siyasi fəaliyyət metodu seçən, xarici dairələrin əlində siyasi predmetə  çevrilən Əli Kərimli bu gün 5-6 nəfərlik korporativinə yeni üzvlər qəbul etmək üçün yalvarır. Şəxsi maraqların hər şeydən üstün tutan yalnız özünun və xaricdəki ailəsinin komfort həyatını təmin edən bu siyasət dəllalının pofosuna kimilərinsə reaksiya verəcəyi aglabatan deyil. Axı Əli Kərimlinin ən yaxın tərəfdarlarını necə aldatdıgını aləm bilir...