Ermənistanda elm və təhsil işçiləri də aksiyaya başladılar

    Ermənistanda bütü sahələrdə oldugu kimi elm və təhsil sahəsində də böhran dərinləşməkdədir. Təhsil sahəsində işçilərin əmək haqları artıq 10 ildir ki, eyni səviyyədə qalıb. Ermənistanın Təhsil və Elm naziri Araik Arutyunyan KİV-lərə açıqlamasında maliyyə çatışmazlıgını əsas gətirərək müəllimlərin maaşlarının yaxın perspektivdə artırılmayacagını bildirib. Müəllimlərini etiraz aksiyalarına elmi-tədqiqat sahəsində çalışan alimlər də qoşulublar.

 İrəvan Dövlət Universitetinin 200-ə yaxın əməkdaşı hökumət binası qarşısında etiraz aksiyası keçirir. Aksiya iştirakçıları Maliyyə Nazirliyi tərəfindən qəbul olunan yeni qərara etiraz etmək üçün binanın önünə toplaşıblar. Qərara əsasən elmi laboratoriyaların maliyyələşdirilməsi üçün tenderlər keçirilməlidir. Bu tenderlərdə özəl şirkətlər iştirak edə bilər.

Aksiya iştirakçısı, tədqiqatçı Robert Hakobyan armtimes.com-a müsahibəsində bildirib ki, maliyyə Nazirliyi elmi sahəyə müdaxilə etməməlidir. “Hökumət artıq elm sahəsini də məngənəyə salır. Bizim taleyimizi özəl şirkətlər həll edəcək. Aydın məsələdir ki, minimum qazanc əldə edən tədqiqatçılar daha da acınacaqlı duruma düşəcəklər”-deyə Hakopyan bildirib.

Gənc tədqiqatçı Gevorg Qriqoryan Ermənistan cəmiyyətinin əsl simaasını açıb göstərib: “Ermənistan iqtisadiyyatı yox dərəcəsindədir. Ermənistanda kimya və biologiya sahələrini inkişaf etdirmək üçün ikinci Sovet İttifaqı olmayacaq. Artıq hər şey məhv edilir: təhsil, elm, sənaye və digər sahələr. İndi biz gələcək nəsillər üçün çalışırıq amma buna da imkan vermirlər. Bizi çarmıxa çəksəydilər daha yaxşı olardı”.

Təhsil və Elm naziri Araik Arutyunyan bildirib ki, dövlət elmi mərkəzlərin maliyyələşdirilməsinə vəsaiti yoxdur. Yalnız elmi labaratoriyaların nəticələrini qiymətləndirə bilər. Yeni qərarın qəbul edilməsi də bu məntiqdən irəli gəlir.

Aksiya iştirakçıları hökumətin müsbətə dogru addım atmayacagı təqdirdə aksiyaları davam etdorəcəklərini bildiriblər.