Ermənistana səfər nə məqsəd güdürdü?

  

 Turan agentliyinin redaktoru Şahin Hacıyevin öz işçi qrupu ilə birgə 1-5 fevral tarixlərində  Ermənistana səfəri və bir sıra görüşlər keçirməsi eləcə də qondarma “erməni soyqırımı qurbanlarının” abidəsini ziyarət etməsi barədə informasiyaların yayılması bir sıra suallara yol açıb.

Səfərdə iştirak edənlərin İrəvana hansı məqsədlə getdikləri və keçirdikləri görüşlər barədə təfərrüatlı məlumat verməmələri müəyyən şübhələr yaradır. 

Erməni KİV-lərindən - sputnik.am, news.am, panorama.am və digər saytlarda Ermənistan Xarici İşlər Nazirliyinin mətbuat katibi Anna Nağdalyanın səfərlə baglı açıqlaması yer alıb. Mətbuat katibi bildirib ki, Şahin Hacıyev sırf jurnaslist fəaliyyəti göstərmək üçün Ermənistan XİN-ə müraciət edib və bütün prosedurları keçdikdən sonra səfər baş tutub. “Hər gün müxtəlif ölkələrdən gələn onlarla jurnalistlər akkreditasiya üçün Ermənistan Xarici İşlər Nazirliyinə müraciət edirlər. Erməni tərəfi xarici jurnalistlərin peşəkar fəaliyyətinə mane olmur”-deyə Nagdalyan bildirib.

Ermənistan prezidentinin müşaviri Tevan Poqosyan Facebook səhifəsində İrəvanda Şahin Hacıyevə müsahibə verərək onunla şəklini paylaşıb və sonuncunun onun sözlərini təhrif etməyəcəyinə söz verdiyini bildirib. Tevan Poqosyan bildirib ki, Azərbaycan jurnalistinin məqsədi "Ermənistanın ictimai rəyini başa düşməkdir".

Erməni sosial şəbəkələrində isə bu səfərlə baglı reaksiyalar kəskin olub. Manvel Krikoryan adlı istifadəçi yazıb ki, bu səfər bütün hallarda erməni cəmiyyətinə hörmətsizlikdir. İndiki şəraitdə belə bir səfərə icazənin verilməsi Ermənisatan XİN-in yatıtmaz fəaliyyətini göstərir

Oksana Vartanyan adlı istifadəçi isə Azərbaycandan gələn jurnalistlərin casus olduqlarını bildirib. Bu qədər casus Xarici İşlər Nazirliyini xətti ilə ölkəyə buraxılır. Üstəlik, bu casusların rəsmi görüşlər keçirmələri və  şəkil paylaşmaları da absurddur.

Qeyd edim ki, erməni tərəfi İrəvana səfər edən jurnalist qrupunun müxalif düşərgəsinə mənsublugunu  xüsusi vurgulayıb. Təqdimatlarda da Turan informasiya agentliyinin bütün siyasi parametləri və mövqeyinin də nədən ibarət oldugu açıqlanıb. Belə bir təqdimatın düşmən dövlətdə hansı məqsədlə edilməsi hər halda düşündürücüdür...