Əli Kərimli mifomaniyası

 Müasir dönəmdə ictimai-siyasi proseslərin mühüm tərkib hissəsinə çevrilmiş sosial şəbəkələr, sosial media vasitələri ictimai əhəmiyyətli problemlərin müzakirəsi baxımından mühüm əhəmiyyət daşıyır. Bu baxımdan siyasi proseslərin subyektlərinin sosial şəbəkələrdə fikirləri və hərəkətləri də diqqəti cəlb edir. Azərbaycan nümunəsində bu prosesdə diqqət çəkən bir cəhət var ki, onun üzərində dayanmaq istərdim.

Sosial şəbəkələrdə bir qrup radikalın vətəndaşları itaətsizliyə çagırması, qanunlara hörmətsiz yanaşmaları bu kəsimin çirkin siyasi maraqlar güddüyünü təsdiq edir. Bu radikal kəsim sosial şəbəkələr və media üzərindən apardıqları təbliğatları nəticəsiz olsa da hələ də rəhbərlərinin utopik vədlərinin təsiri altında nəyəsə nail olacaqlarına ümid edirlər. Son vaxtlar həmin radikal qrup mitinq öncəsi daha aktiv fazaya keçiblər. Bu qaraguruhun başında isə demokrat libası geyinmiş Əli Kərimli və onun trollar dəstəsi dayanır.    

Uzun-uzadı 19 yanvar mitinqinin möhtəşəm olacagı barədə sosial şəbəkələrdə apardıqları təbligat nəticəsiz oldu. Radikalların gözlədikləri kütləvilik alınmadı. Şablon və iftiralar üzərində qurulan çıxışlar radikalların 90-cı il təfəkküründən uzaga getmədiyini bir daha təsdiqlədi. Məlum oldu ki, mitinqə təşrif buyuran radikalların əksəriyyəti muəyyən pul müqabilində aksiyada iştirak ediblər. Milli Şuranın mitinqi birbaşa Qərbdəki antiazərbaycan dairələrinin sifarişi əsasında oldugu ancaq “beçinci kolon” təmsilçilərinin bu tapşırıqları da sonadək yerinə yetirmədikləri bəlli oldu.

Yanvarın 19-dakı mitinq ugursuzluqlarını 20-yanvar-Ümumxalq hüzn günundə şəhidlərimizi ruhuna hörmətsiz davranışları ilə davam etdirən Əli Kərimli tərəfdarları bununla da siyasi aksiya keçirmək qabiliyyətində olmadıqlarını göstərdilər. Bu fakt radikal qrupların kütləvi aksiya təşkil etmək imkanlarının məhdudlaşdırılmasını və qeyri-demokratik hərəkələrinə huquqi qiymətin verilməsini zəruru etdi. Bütün bunlar nəzərə alınaraq Kərimli dəstsinə haqlı olaraq 26 yanvar mitinqinin keçirilməsinə razılıq verilmədi.

Artıq Əli Kərimli və onun trollar dəstsi sosial media üzərindən hücumlara başlayıblar. Əli Kərimli sponsor dəstəkli video müraciətində gülünc bəyanatlar səsləndirib. Belə ki,  26 yanvar mitinqinə icazə verilməməsini öz aləmində hakimiyyətin qorxması kimı qiymətləndirib. Milli Şuranın  icazəsiz mitinqlərə çıxmaga isə hazır olmadıgını qeyd edib. Qeyd edim ki, Əli Kərimli sosial şəbəkələr üzərindən trollar dəstəsi ilə birgə apardıgı təbligatın nəticəsi olaraq “Məhsul” stadionu kimi böyük arenaya cəmi 2800 insan yıga bildi. Bu qədər təbligatdan sonra kiçicik elerktoratla siyasi aksiyaya çıxan bir qrupdan hakimiyyətin qorxması kimi absurd yanaşma ancaq Əli Kərimlinin aglına gələ bilərdi. Xatırladaq ki, Azərbaycanın elə şəhərləri, hətta kəndləri var ki bir toy məclisinə bundan da artıq insan gəlir. Şuraya daxil olan 10-a yaxın təşkilatın aksiyaya bu qədər qüvvə çıxarması Kərimlinin müxalifətin güclü olması barədə iddialarını alt-üst etdi.

27 ildir ki, Azərbaycanda müxalifətində fəaliyyət göstərirsiz və çoxsaylı mitinqlər keçirmisiz. Sual olunur: mitinqlərdə nə əldə etmisiz! Heç nə. Nə taktika dəyişib, nə də ki, strategiya. Eyni simalar, eyni dəsti-xətt, şablon monoloqlar. Əli Kərimli üçün mitinq eyforiyası yenə də onun əsas kredosuna çevrilib. Yenə də sosial media üzərindən yalnız öz təbligatını qurmaqla yerdə qalan müxalifət partiya sədrlərini yada belə salmır.  

Onun üçün siyasi aksiyalar kimilərinsə adından spekulyasiya etməklə pul qazanmaq, müxalifətçilik imicini saxlamaq və antiazərbatcan şəbəkənin bir nömrəli marioneti oldugunu göstərməklə tamamlanır. O ətrafdakılarına yalanlarını həqiqət kimi göstərməklə çirkli yollarla əldə etdikləri maliyyə vəsaitlərini həzmdən  keçirir. Əli Kərimli tərəfindən aldadılanlar və onun mifomaniyasının qurbanına çevrilənlər isə bu gün sadəcə itirdikləri zamana heyfislənirlər.