Əli Kərimli antimilli qüvvələrin sifarişçisi rolunda

Milli Şuraya daxil olan mənafe qrupları Bakı şəhər icra hakimiyyətindən şənbə günü mitinq keçirməyə razılıq alıblar. Yenə də eyni ssenari, ənənvi populuzm və antimilli qüvvələrə yönəlik mesajlar mitinq öncəsi səsləndirilir. Bu dəfə də mitinq oyununun baş rolunda Əli Kərimli çıxış edir. O öz facebook səhifəsində mitinqabagı çagırışında  Xədicə İsmayılın aclıq keçirməsindən başlayıb birtəhər də də olsa bloger Mehman Hüseynovda qurtarıb.

Sosial bazası olmayan Milli Şuranın bu dəfəfki mitinqinin də eyni ssenarı üzərində quruldugunu nəzərə alsaq yenə sönük və fiasko ilə nəticələnəcəyini əminliklə proqnozlaşdırmaq olar. Əli Kərimli son günlərdə sosial şəbəkədəki hesabında gah Avropa parlamenti, gah da Avropa Şurasına hesabat verici açıqlamalarını analiz etdikdə onun antiazərbaycançı şəbəkənin sifarişini yerinə yetirdiyinin şahidi oluruq. Faktiki olaraq Əli kərimli üçün mitinqin bir siyasi aksiya kimi baş tutması maraqlı deyil. O daha çox araqarışdırmaq, ətrafındakı müəyyən qruplar vastəsilə polisə qarşı təxribatçı hərəkət etməklə səs-kuy qaldırmaq istəyir. Bununla agalarına göstərmək istəyir ki, baxın ha “işləyirəm”. Uzaq olmayan tarixi keçmişdə bunun dəfələrlə şahidi olmuşuq.

Əli Kərimli mitinqdə bu dəfə nə qədər bacarırsa o qədər də avanturist meyillərdən istifadə edəcək.  Bununla da öhdəlik götürdüyü və qrantlar aldıgı dairələrin qarşısında missiyasını yerinə yetirdiyini göstərməyə çalışacaq. Sıravı Milli Şura üzvləri də bu siyasi oyunlarıın sadəcə alətinə çevriləcəklər. Xədicə İsmayil, Mehman Hüseynov və digər fiqurlar isə bir vasitədir. Onlar Əli Kərimlinin heç vecinə belə deyil.