Bir medalın iki üzü: Smit və Kərimli

 Dünən  Avropa İttifaqının (Aİ) Azərbaycandakı nümayəndəliyinin müraciəti əsasında bir sıra Avropa İttifaqı ölkələrinin səfirliklərinin məsul diplomatlarının təcridxanada Mehman Hüseynovla görüşü keçirilib. Görüşdə Aİ-nin Bakı nümayəndəliyinın rəhbərinin müavini, Fransa, Hollandiya, Böyük Britaniya, Çex Respublikası və Almaniya səfirliklərinin əməkdaşları iştirak ediblər. Diplomatlar  Mehman Hüseynovun saxlanma şəraiti və səhhəti ilə tanış olublar. Müşahidənin nəticəsi olaraq bəyan ediblər ki, M.Hüseynov qida qəbul edir, sovqat alır, gündəlik həkim nəzarətindədir və sağlamlıq durumu normaldır. 

   Bu görüş elə bir vaxtda keçirildi ki, Əli Kərimli öz facebook səhifəsində Avropa parlamentinin bloger Mehman Hüseynovla baglı yaxın vaxtlarda müzakirə keçirəcəyi və Azərbaycana qarşı sərt qərarlar qəbul edəcəyi ilə baglı  anonsu yenicə yerləşdirmişdi.  Ancaq  diplomatların blogerlə baglı reallıgı əks etdirən bəyanatlarından sonra o pərişanlıq keçirib, halı da bir az təlx olub. Çünki Əli Kərimli gözləyirdi ki, diplomatlar kəskin bəyanat verəcəklər, məsələni siyasiləşdirib onun və arxasında dayanan anti-milli dairələrin maraqlarına uygun fikirlər səsləndirəcəklər. Belə olmadı. Kərimlinin oyunbazlıgı bu dəfə də alınmadı. Ammo o başqa bir variantı işə salıb. Söhbət ABŞ konqresmeni Kris Smitdən gedir.

Əli Kərimli bu gün öz facebook səhifəsində antiazərbaycançı şəbəkənin növbəti sifarişinin tərkib hissəsi olaraq bir mesaj ünvanlayıb. Yazıb ki, ABŞ konqresmeni K.Smit Azərbaycan hökumətindən “Mehman Hüseynovu dərhal və qeyd-şərtsiz azad etməyə” cagırış edib. Kimdir bu Smit. Azərbaycan ictimaiyyətinə tanış olan və Əli Kərimlinin qucaq açdıgı bu simasızı bir daha tanıyaq.

 K.Smit İrəvanda qondarma “erməni soyqırımı” abidəsinin qarşısında diz çökən insandır və bu şəxsin Ermənistan qarşısında böyük öhdəlikləri var.  K.Smitin ABŞ-dakı  ermənipərəst təşəbbüsləri cidd-cəhdlə dəstəkləyən şəxs kimi tanındığını nəzərə alsaq, onun son sayıqlaması da təəccüblü görünməməlidir. Ermənipərəst konqresmen kimi tanınan K. Smit Azərbaycana qarşı “907-ci düzəliş”in müəlliflərindən biri, ermənilərin işğalçılıq siyasətinə bəraət qazandıran, Dağlıq Qarabağın müstəqilləşməsi ideyasını təbliğ edən və bu istiqamətdə əsaslı tədbirlər görən şəxsdir. Son illərdəki fəaliyyətinə baxdıqda ancaq onu Azərbaycan əleyhinə tədbirlər təşkil etməsi və lazım gələndə də Əli Kərimli kimilərdən siyasi alət kimi istifadə etməsinin şahidi oluruq.

Ə.Kərimlinin Smit adından bu dəfəki bəyanatı da onun konkret ermənipərəst dairələrlə iş birliyinin olmasına heç bir şübhə yeri qoymur. Bu şəxslər ermənilərin eskizini cızdıqları bir medalın iki üzüdürlər.  Onlar bir məsələni unutmamalıdırlar ki, ultimatumlarla, bəyanatlarla Azərbaycana təzyiq göstərmək mümkün deyi. Yaxşı olar ki, böyük maliyyə vəsaitlərini havaya sovurmasınlar. İstifadə müddəti bitmiş Əli Kərimli vastəsilə siyasi oyunbazlıgın da artıq vaxtı çatıb.